حج 577

د حج پر مهال د مسجد نبوي صلی الله عليه وسلم زيارت – کله چې د حج په ورځو کې مسجد نبوي صلی الله عليه وسلم ته داخل شې، نو د فرض يا تحیة المسجد لمونځ ادا کړه. بيا چې د رسول الله صلی الله عليه وسلم، سيدنا ابوبکر او سيدنا عمر رضی الله عنهما د قبرونو سره حاضر شې، نو هغه دعا ووايه کومه چې رسول الله صلی الله عليه وسلم ام المؤمنين عائشې رضی الله عنها ته د قبرونو د زيارت پر مهال ور ښوولې وه. نبي کریم صلی الله عليه وسلم عائشې رضی الله عنها ته وفرمایل: چې کله د قبر زيارت کوې، نو دا الفاظ ووايه: "د کورونو اوسېدونکو مؤمنانو او مسلمانانو! پر تاسې دې سلامتي وي، او الله تعالی دې د هغو باندې رحم وکړي چې له موږ نه مخکې تېر شوي، او پر هغو هم چې له موږ نه وروسته راځي. او که الله تعالی وغواړي، موږ به ډېر ژر له تاسې سره يوځای کېږو." (مسلم 1/314) مسلم شريف کې په بل روايت کې د دې دعا په پای کې دا الفاظ هم دي: "نَسْأَلُ اللّٰهَ لَنَا وَلَكُمُ الْعَافِيَةَ" یعنې: "موږ د الله تعالی نه د خپل ځان او ستاسې لپاره عافيت غواړو." د دې ترڅنګ بايد ډېر درود شريف وويل شي، ځکه چې د رسول الله صلی الله عليه وسلم امر دی چې په کثرت سره درود ووايئ.