کتاب النکاح 595

د ښځې او خاوند تر منځ د راز افشا کولو شرعي حکم پوښتنه: که ښځه يا خاوند د يو بل پټ رازونه ښکاره کړي، يعنې خاوند د خپلې ښځې رازونه يا ښځه د خپل خاوند رازونه نورو ته ووايي، د شريعت له مخې يې حکم څه دی؟ ځواب: په ښځه او خاوند دواړو باندې جايز نه ده چې خپل د جنسي اړيکو خبرې يا نور پټ خصوصي رازونه د بل چا مخې ته ښکاره کړي. ځکه چې د شريعت په نظر داسې کسان ډېر بد دي، او د الله جل جلاله په نزد به يې د قيامت په ورځ ډېر بد انجام وي. ابو سعيد خدري رضي الله عنه روايت کوي چې رسول الله ﷺ وفرمايل: "بېشکه د الله په نزد د قيامت په ورځ تر ټولو بد ځای هغه سړي ته دی چې خپلې مېرمنې ته ورشي او مېرمن يې هغه ته ورشي، بيا هغه د خپلې ښځې رازونه خپاره کړي." (صحیح مسلم: کتاب النکاح، باب تحريم إفشاء سرّ المرأة 123/437) په صحيح مسلم 124/1437 کې داسي الفاظ دي: "د ټولو نه زيات خيانت کوونکی هغه کس دی چې له خپلې مېرمنې سره شپه تېروي، او مېرمن ورسره شپه تېروي، بيا هغه د هغې رازونه افشا کوي." امام نووي رحمه الله د دې حديث په شرحه کې فرمايي: "په دې حديث کې څرګنديږي چې د سړي لپاره حرام دي چې د خپلې ښځې سره د تېرېدونکو پټو معاملو تفصيل نورو ته بيان کړي او خپاره يې کړي." (شرح النووي 8/10) نو ځکه ښځه او خاوند بايد خورا محتاط وي، او خپلې شخصي خبرې، د بدن پټ رازونه او د جنسي ژوند تعلق لرونکي خبرې هېڅکله بل چاته ونه وايي. زموږ په ټولنه کې دا يوه ډېره بده ناروغي ده چې ځينې سړي د جنسي خبرو په کولو کې هېڅ شرم نه احساسوي، او ځينې ښځې خپلې ملګرې ته د خپل خاوند سره تېرېدونکي پټ خصوصي حالات بې له شرمه بيانوي. له دې ډول خبرو او کارونو څخه بايد په بشپړ ډول ځان وساتل شي.