لمونځ 482

لمانځه کې د لستوڼو پورته کول سوال: په لمونځ کې د قميص د لستوڼو پورته کول (کفونه تاوول) جايز دي او که نه؟ د صحيح حديث له مخې وضاحت وکړئ. ځواب: د قميص کپونه پورته کول او بيا په هغه حالت کې لمونځ کول سخت منع دي. لکه څنګه چې د محدثينو امام، امام بخاري رحمه الله په صحیح البخاري کې روايت کړی دی. عبدالله بن عباس رضي الله عنهما روايت کوي: رسول الله صلی الله عليه وسلم وفرمايل: > «امرته أن أسجد على سبعة أعظم، ولا أكف شعراً ولا ثوباً» (يعنې ما ته حکم شوی دی چې په اوو غړو سجده وکړم، او دا هم حکم شوی دی چې په لمونځ کې نه وېښتان ټینګ کړم او نه د کالي کپونه پورته کړم). له دې صحيح حديث څخه څرګنديږي چې په لمونځ کې د وېښتو تړل او د کپونو تاوول يا پورته کول جايز نه دي. په نن سبا کې زيات خلک د لمانځه پر مهال خپل وېښتان يا جامې برابروي، حال دا چې دا ډول کړنې د لمانځه له روح سره مخالفې دي. کله چې لمونځ ادا کېږي، نو پکار ده چې ټول فکر او توجه د عبادت په لور وي، او له هر ډول داسې حرکاتو ځان وساتل شي چې له لمونځه سره تړاو نه لري.