لمونځ 505

پوښتنه: آیا ښځو ته په لمانځه کې د جرابو اغوستل لازمي دي؟ ځواب: ښځې ته پکار دي چې د لمانځه پر مهال خپل ټول بدن پټ کړي. که یوه ښځه اوږد کمیس (کرتی) او لوی دوپټه یا چادره واغوندي، نو په دغه حالت کې هم کولای شي لمونځ وکړي، خو دا شرط ضرور دی چې کمیس باید دومره اوږد وي چې د پښو برنی برخه (پشت یا مخ) هم پټه شي. ام المؤمنین حضرت اُمّ سلمه رضي الله عنها روایت کوي چې هغې د رسول الله صلی الله علیه وسلم څخه وپوښتل: "آیا ښځه کولای شي بې له (تُه بند) یوازې په کُرتي او اوړونکې (چادره) کې لمونځ وکړي؟" رسول الله صلی الله علیه وسلم وفرمایل: "که کمیس دومره اوږد وي چې د قدمونو شاته برخه پټه کړي، نو لمونځ صحیح دی." (ماخذونه: بلوغ المرام، ابوداؤد حدیث نمبر 639، 640) یاد حدیث یو شمېر محدثینو موقوف ګڼلې، خو امام حاکم او امام ذهبي رحمهما الله دا حدیث د بخاري د شرط مطابق مرفوع بللې. علامه امیر یماني رحمه الله د "سبل السلام" په کتاب کې لیکي: "که څه هم دا حدیث موقوف ښکاري، خو د حکم له مخې مرفوع دی، ځکه چې دا مسأله د اجتهاد نه ده، بلکې د شریعت یو واضح حکم دی." (سبل السلام، جلد 1، صفحه 305) پایله: د دې صحیح حدیث او علماؤ د فتوې له مخې دا څرګنده شوه چې ښځې ته لازمي ده چې د لمانځه پر مهال خپل پښې هم پټې کړي. دا پټول ممکن د اوږد کمیس له لارې وشي، که چیرې کمیس دومره اوږد وي چې پښې یې پټې کړي، یا هم جرابې واغوندي، نو دواړه صورتونه صحیح دي.