عقايد 313

د سنتونو ساتونکي: دغه خلک په حقیقت کې د رسول الله صلی الله علیه وسلم د امت په لړ کې د هغه خلفاء (ځای ناستي) دي. دوی مړې شوې سنتونه بیا راژوندي کوي، او همدا خلک دي چې د دوی له امله د الله تعالی کتاب (قرآن) هم ژوندی پاتې دی. د دوی د ژوند تر ټولو لوی مقصد د کتاب الله خپرول او عامول دي. قرآن د دوی په ژبه خبرې کوي، او دوی د قرآن ژبه بولي. ټول خلک پدې خبره یقيني توګه متفق دي چې د رسول الله صلی الله علیه وسلم پیروي کول واجب ده؛ خو کله چې د دوی (علماوو) څخه کوم قول روایت شي، چې د رسول الله صلی الله علیه وسلم د حدیث خلاف وي، نو دا قول پرېښودل ضروري دي. دوی پر مومږ ډېر احسانونه لري: زموږ نه مخکې دوی د اسلامي تعلیماتو دروند بار پورته کړی. دوی موږ ته دغه تعلیمات په امانت سره راورسول. دوی د دین ژور اسرار او رموز بیان کړل. نو الله تعالی دې ترې خوښ وي، او دوی دې هم الله تعالی ته خوشحال وي!