عقايد 336

د عباداتو او د الله تعالی د قرب لپاره نوې رامنځته شوې بدعتونه: په نننۍ زمانه کې خلکو د عباداتو په اړه کوم بدعتونه رامنځته کړي دي، هغه هم لږ نه دي، حال دا چې ټول عبادات توقیفي دي (یعنې یوازې هغه طریقه جواز لري چې د الله او د هغه د رسول ﷺ له لوري مشروع شوې وي). په عباداتو کې څه شی کمول، زیاتول، بدلول یا نوي شیان داخلول هېڅ ډول د فکر، نظر یا اجتهاد ځای نه لري. یوازې د قوي شرعي دلیل پر بنسټ پکې څه ویل یا کول روا دي، پرته له دلیل څخه څه کول بدعت بلل کېږي. د نبي کریم ﷺ دا ارشاد دی: "من عمل عملًا ليس عليه أمرُنا فهو ردٌّ" ژباړه: "چا چې داسې عمل وکړ چې زموږ د حکم (شریعت) سره سم نه وي، هغه مردود (رد شوی) دی."