عقايد 451

دا ږیره کټ کوونکی امام سوال زموږ د کلي په جومات کې امام صاحب خپله ږیره کټوي او د هغه ږیره له يوې مټۍ هم کمه ده. ايا د داسې کس شاته لمونځ کول جايز دي که نه؟ او داسې کس امام ټاکل څنګه دي؟ ځواب د جومات امام بايد داسې څوک وي چې د شريعت صحيح پيروي کوونکی وي، د کتاب او سنت له مخې ژوند کوي او تر ټولو زيات د قرآن او سنتو عالم وي. د ږيرې پرېښودل پر مسلمان نارينه واجب دي. رسول الله صلی الله عليه وسلم د ږېرې پرېښودلو حکم کړی دی، لکه څنګه چې فرمايي: «مشرکانو سره مخالفت وکړئ، ږيرې پرېږدئ او برېتونه لنډ کړئ» (متفق عليه، مشکوٰة: ۴۴۲۱) د رسول الله صلی الله عليه وسلم خپله ږیره غټه او بشپړه وه. نه يې ږیره کټ کړې او نه يې د کټولو امر کړی دی. نو د نبي صلی الله عليه وسلم د امر منل واجب دي. له همدې کبله امام ته پکار دي چې خپله ږیره پوره پرېږدي. د ږيرې کوچنۍ کواو او کټولو والا کس فاسق او فاجر بلل کېږي. د داسې کس دایمي امام ټاکل مناسب نه دي. البته که کله ناکله داسې کس لمونځ وکړي، نو د هغه شاته لمونځ صحيح دی، ځکه د فاسق او فاجر شاته لمونځ د علماوو په اتفاق سره صحيح کېږي. امام ته په ښه طريقه سره نصيحت وکړئ. که يې په دې سربېره خپله ږیره اصلاح نه کړه، نو د هغه پر ځای يو بل ښه شخص غوره کړئ. دا کار بايد په حکمت او ښه طریقه ترسره شي څو کومه فتنه پيدا نه شي.