عقايد 549

د روژې په حالت کې د غاښو د کريم يا منجن استعمال سوال: روژه دار ته د غاښونو د پیسټ (منجن) کارول، او همدارنګه د غوږ، پوزې او سترګو د څاڅکو (دوایانو) استعمال څه حکم لري؟ که روژه دار د پیسټ، منجن یا دغو څاڅکو خوند په حلق کې محسوس کړي، څه وکړي؟ ځواب: د پیسټ او منجن په وسیله د غاښونو پاکول د مسواک په څېر دي، او له دې سره روژه نه ماتیږي. او که د سترګو یا غوږ د څاڅکو خوند په حلق کې محسوس کړي، نو د احتیاط له مخې د هغه روژې قضاء کول غوره دي، خو واجب نه ده، ځکه سترګه او غوږ د خوړو د تللو لاره نه ده. البته د پوزې څاڅکي استعمالول د روژې په حالت کې جائز نه دي، ځکه پوزه د خوړو د تللو په لاره کې شامله ده. او همدې لپاره نبي صلی الله علیه وسلم فرمایلي دي: "په پوزه کې د اودس پر مهال ښه او ژور اوبه داخل کړئ، مګر که روژه دار یئ." نو د دې حدیث او ورته نورو احادیثو له مخې، که چا د روژې په حالت کې د پوزې څاڅکي استعمال کړل او خوند یا اثر یې حلق ته ورسېد، نو د هغې روژې قضاء کول واجب دي. والله ولي التوفيق