عقايد 564

!پوښتنه: ایا ښځه کولی شي د خپلې قربانۍ حیوان پخپله ذبح کړي؟ ځواب: که مسلمانه ښځه د ذبح کولو سلیقه او طریقه ښه زده وي، نو خپله قرباني خپله ذبح کولای شي. امام بخاري رحمه الله په صحیح بخاري، کتاب الأضحی کې روایت راوړی چې: "ابو موسیٰ رضی الله عنه خپلو لوڼو ته امر وکړ چې خپلې قربانۍ دې پخپله ذبح کړي." دا روایت د مصنف عبدالرزاق، کتاب المناسک (4/389، حدیث 7169) علامه عینی رحمه الله وایي: "په دې حدیث کې دلیل دی چې کله ښځې ښه ذبح کولای شي، نو خپلې قربانۍ دې پخپله ذبح کړي." (عمدۃ القاری، 21/551) همدا ډول په صحیح بخاري، کتاب الذبائح والصید کې د کعب بن مالک رضی الله عنه له حدیث څخه هم څرګندیږي چې د ښځو له خوا د حیوان ذبح کول جائز دي. کعب رضی الله عنه روایت کوي: "یوه ښځې په یو ډبره سره یوه بزه ذبح کړه. کله چې د دې په اړه رسول الله صلی الله علیه وسلم نه پوښتنه وشوه، نو هغه مبارک د هغې د غوښې د خوړلو حکم وکړ." دغه حدیث هم دا ثابتوي چې د ښځې ذبیحه جائز او صحیح ده. ---