روژه 554
د روژې په حالت کې استفراق (قی کول)
د روژې په حالت کې استفراق (قی کول) سوال: که یو کس د روژې په حالت کې بې اختیاره قی کړي، حکم یې څه دی؟ د دې روژې قضا به کوي که نه؟ ځواب: که په روژه کې قې بې اختیاره راشي، نو د روژې قضا نه شته. خو که څوک په قصد سره قې وکړي، نو د هغه لپاره د دې روژې قضا واجب ده. ځکه نبي کریم صلی الله عليه وسلم فرمایلي: "چا ته چې قی په خپله راشي، پر هغه قضا نشته؛ او چا چې په قصد قی وکړه، پر هغه قضا لازمه ده." دا حدیث امام احمد او د سنن اربعې امامانو (ابوداود، نسائي، ترمذي او ابن ماجه) د ابو هرېره رضي الله عنه له لارې په صحیح سند روایت کړی دی.
