طهارت 465

د اودس پر مهال کوم مسنون دعاوې بايد ولوستل شي؟ سوال: ایا د اودس په وخت کې د غړو په مینځلو سره ځانګړې دعاوې د حديث نه ثابتې دي؟ (ابو انجشه – ) ځواب: د صحيح احاديثو له مخې د اودس په پيل کې بسم الله ويل سنت دي، او د اودس په پای کې دا دعا لوستل ثابته ده: أَشْهَدُ أَنْ لا إِلٰهَ إِلاَّ اللّٰهُ وَحْدَهُ لا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، اللّهُمَّ اجْعَلْنِي مِنَ التَّوَّابِينَ، وَاجْعَلْنِي مِنَ المُتَطَهِّرِينَ ژباړه: "زه ګواهي ورکوم چې له الله پرته بل معبود نشته، هغه يوازې دی، شريک نه لري، او زه ګواهي ورکوم چې محمد صلی الله علیه وسلم د هغه بنده او رسول دی. اې الله! ما له توبه کوونکو او ځان پاکوونکو څخه وګرځوه." خو د اودس پر مهال د هر غړي د مینځلو لپاره جلا جلا کلمات چې ځینې خلک یې وايي، د هېڅ معتبرې او صحيح حديث له مخې ثابت نه دي.